「溝」字点解？

「溝」呢個字係香港廣东話嚟講，有以下最常用情形。

1. 溝女，溝仔，溝佢，唔受溝，溝唔到，左溝右溝，溝杯cocktail等等。动詞用。

2. 溝渠，陰溝翻船，乳溝。名詞用。

名詞用法嘅「溝」同將Ｄ液体混合一起嘅「溝」，唔駛我多講嘞，小學生都識。

但係点解去識男女要用「溝」字呢？相信好多人識用唔識解，更加唔知其由來。

依個「溝」字解法都係一名政府高官教我嘅。

「溝」源自英文动詞「cultivate」是也。取其音「cult」，亦用其意「灌溉，培養，扶植」。
十分之文雅精劈。故各位千祈唔好以為「溝」字係低俗下九流用字。

識男女仔後，稍後發展男女朋友，親蜜成熟便成夫妻。係咪要好似用水勞心勞力地去灌溉，培養，扶植呢？做事一樣，水到渠成，亦可以用溝。

若各人有其他異議，歡迎賜教共商。