威廉王子大婚

今日2011年4月29日，係英皇第二繼承人威廉王子與民女凱特嘅世紀大婚礼。

英國特別放假一天，等國民上下一心去庆祝依件舉世足目盛事。据坊間非正式詁計，今次約有二十多億人，親身或透過电视都会「八」一吓依個婚禮。英國皇室，繼81年威廉個老豆查理斯同阿媽已故戴安娜皇妃的盛大婚礼後，都冇乜攪過大派对啦！今次30年後，英國佬話「有就唔志在，冇又唔差在」嘅心態，攪番Ｄ嘢去沖喜一下英國國運啦！相信今次會帶比英國有200多億英鎊嘅海內外收益！

有樣嘢就真係要「棟高隻大姆指(thumbs up)」讚吓英國佬嘞！全世界嘅皇室体系裡，英國仍然最大，最完整同最受歡迎愛戴。攪親喜事，其他欧洲皇族如丹麥，西班牙，希臘等等都十分撑佢嘅！今次婚礼，泰國、日本、沙特同汶萊皇室都黎祝賀。正式「振臂一呼，萬夫皆應」！仲攪得有聲有色，極具视聽娛樂之效！

自二次大戰後，英國國勢家道中落，跟十九世紀末，二十世紀初截然不同。國人对國家越來越不滿，原因係英國勢力再不如往，甚至乎被人牽著鼻子走。好在有個皇室仲係現今依個「買少見少」嘅皇族世界裡，仍然手執牛耳，話得吓事，英國國民仍自豪驕傲！

今次婚禮，為英國人黎個「大沖喜」，無妨係件好事。至少我哋嘅二三十户人家嘅小小社區都團結起來，攪個大street party，無分種族，大小老幼，一齊慶祝吖！