人間美食

頭盤-八小碟
蒜蓉拌波菜
滷水炆豬紅
酥炸脆大腸
高湯烚九菜
椒塩炸豆什
付乳大豆芽
薑絲蒸蜆干
豉汁拌蜜豆
双熱葷
炭燒脆皮豬仔腩
古法双冬扣草羊
六主菜
粉葛眉豆煲草鯪
薑葱上湯霸王鷄
咸魚干蒸豬肉餅
塩油水煮鮮雜魚
薑絲介蘭炒肥牛 或 金銀疍湯浸梘菜
滑疍九黄鮮河蝦 或 蝦醬上素爆鮮魷

白飯任莊

美点双輝
杏汁白合西米露
白糖撈脆炸沙翁

HK$888 免加一，附送名茶。歡迎預訂，耀記包辨筵席。

剩女盛女

又係時候要同香港班「騎離怪」傳煤發吓炮，等佢地知道唔係剩係得佢地講冇人講，挖人瘡疤，愚人娛己，嘩眾取寵地將一些社會現象去千倍万倍負面放大，加料醜化，用盡一切污糟邋遢手段去搏取觀眾讀者，增加銷量收視和大收利益回報。


首先要揪出講依句「剩女」名詞嘅契弟出黎先，打完心口打背脊。依條友真係天才或白痴！天才係有班白痴追捧佢，佢利用其他人嘅無知愚昧，人云亦云，羊群心態，缺乏中心思想和同佢一模一樣低劣行為嘅人的心態，大做文章。白痴嘅就係好彩仲有班人用良知去睇清楚件事，踢爆佢無聊低賤嘅行為！


「剩女」依個名就真係用得低劣，剩即是多咗出黎或者冇人选擇而被遗棄咁解。我極相信「剩女」是指後者，即是那些女仕冇人要咁解，而最有問題嘅就是係点解只有班男人去選擇而女人係乖乖地被「間」呢？乜無人覺得依個「剩女」对女仕們有其恥大辱咩。班豬狗重講到津津有味，街頭巷尾的城中熱話添！最可笑就係被「間」咗個班女嘅，重向自己同性取笑添！直頭當自己係一件貨咁，洋人謂之 (commodity)


社會進步，而家女仕受過教育，有主見，具智慧，懂分析，思想開放，財政獨立，甚麽「從一如終」，以往的「三從四德」都會從新思量其对與錯，不會馬夫馬夫地「照單全收」。男擇女，女亦選男，好公道。我自己係都係男人，但目下嘅男仕真係「間」唔落手，唔好話有乜成就嗱！連顧掂自己「三餐一宿」都成問題，試問Ｄ女仕点樣同佢出黎襯，唔好講咁遠話「過人世」嘞。重話比佢間喎.....真係開玩笑，荒天下之大茂！


香港女仕受西方思想影響深遠，好耐已經唔受阿爺個套，「黎明即起，打掃庭堂，要內外整潔....」相夫教子去做人架拿。加上財政獨立穩建，唔再要男人養嗱，佢養個「玩具男」都仲得喎！單親家庭亦見慣見熟，有乜話唔可以呀？在西方買種，組織單親家庭已司空見慣！


現今社會女權大大提高，唔係男性下放權力而係女仕們不断努力，為自己爭取回來的。香港的表表者有政界嘅前政務司陳太，前立法會主席范太和仲活躍政壇嘅葉劉淑儀。商界有匯豐女大班。法律界有梁愛詩和李志喜。個個都有驕人成就，唔係得個「齋噏」！
「剩女」應該改為「盛女」嗱！芳華正盛也！


「剩女」依個詞就只有市井之徒掛在口边，無所事事，向人評頭品足，食飽等上厠之無聊輩的話題罷了。

大個女啦！

轉吓眼，大女彤彤已十六歲，汶汶快九歲，細女嵐嵐已七歲半了。歲月迫人。

曾幾何時，我亦係十六歲呢！去年九月時，跟我在中二認識的好友陳偉靈來英探我，當年認識時，我倆只是十四歲罷了。It seems like yesterday.我們的認識就真係好似昨天的事咁。

去年五月我的超市開業，初初生意不好，Helen 和我都要返鋪幫手。許多時，照顧汶汶和嵐嵐的責任就落在大女彤彤的肩背上了。當初都不十分願意留下倆個半「豆丁」在家中，雖然鄰居都熟悉，有事都可以代為照顧，話雖如此，個心都是忿忿不安，久不久便致电回家問候問候。

有云：「孩子不放手，孩子不會大」。久而久之，彤彤不負所望，照顧得兩妹妹有條有理，而兩個小的亦尊重她姐姐。彤彤有時間亦會動手做些她在學校學會的西餐給妹妹吃，她的名菜如肉醬意粉，牛肉薯批，什菜鷄批等都弄得有板有眼，不會遜色她媽咪！

兩個小的亦很喜欢幫姐姐手做飯做家務，樂此不疲。當然飯後清理就要我們善後，這個我從不介意，內心快慰不已！

汶汶嵐嵐去年時，Helen多多少少還是要助她們洗澡和幫她們塗潤膚露，如今她們已自动自覺，不需提点，入黑八九点便兩個一齊「洗白白」，互相照應。奇怪的事，兩個自立習慣後，做如此「私人事」時，Helen 也被拒諸門外，不許插手半点！Helen 內心亦喜亦酸，喜的是她倆可以自己照料自己，酸的是她們漸漸離懷而去。

彤彤今年會考後，相信可以在原校升讀中六，兩年後便上大學了。小妮子跟我話，理想入讀「曼城大學」，近著爸爸媽媽便最好不過了。我則想兩年後，她可有別的想法呢，慨嘆子女始終有背離父母的一朝！

我常常慶幸道Helen和我能親自一手一腳帶大三個可爱的女兒，當中有辛有酸，亦有喜有樂。回顧一看已十六年了！樂在當下，希望其他父母跟我一樣分享兒女成長的樂趣！